Достапни линкови

Украина забрани емитување на 14 руски телевизии


Украина вчера го забрани емитувањето на 14 руски телевизиски канали во земјата, поради „ширење воена пропаганда“. Меѓу забранетите канали се Раша тудеј и Лајф њуз. Советникот во украинското министерство за внатрешни работи, Антон Герашченко, на Фејсбук објави дека телевизиите се забранети во Украина поради тоа што „емитувале пропаганда на војна и насилство“. Киев веќе го забрани емитувањето на некои руски телевизии, откако конфликтот меѓу проруските сепаратисти и владините сили во источна Украина се засили. Организациите за слобода на медиуми и ОБСЕ ги повикаа украинските власти на екстремна воздржаност во цензурата на медиуми и на интернет.

XS
SM
MD
LG