Достапни линкови

logo-print

Египетскиот претседател го осуди нападот врз граничарите


Египетскиот претседател Абдел Фатах ал Сиси изјави дека нападот во кој загинале 22 граничари нема да остане неодговорен. Египетските воени граничари биле убиени на границата со Либија на 19 јули. Сиси вчера изјави дека "тероризмот ќе биде отстранет од секој дел на Египет." Тој, исто така прогласи тридневна жалост за граничната полиција.Безбедносните официјални лица соопштија дека напаѓачите биле шверцери. Но, портпаролот на армијата на неговата Фејсбук страница напиша дека "терористи" (терминот кои властите го користат кога сакаат да ги опишат исламистичките милитанти ) стојат зад нападот. Според него, складиштето со оружје било разнесено од ракетна граната во меѓусебна престрелка, при што загинале 22 војници, а четворица други биле повредени. Нападот се случил во област која граничи со Судан и Либија. Двајцата напаѓачи биле наводно убиени во судирите.

XS
SM
MD
LG