Достапни линкови

logo-print

Шефот на ЦИА во Берлин ја напушти Германија


Шефот на канцеларијата на ЦИА во Берлин ја напушти земјата откако му беше речено да го стори тоа од страна на германски официјални претставници. Германското министерство за надворешни работи вчера соопшти дека шефот на канцеларијата веќе не се наоѓа во Германија, при што не го наведува неговото име. ЦИА одби да ја коментира оваа информација.

Од шефот на ЦИА во Германија беше побарано да ја напушти земјата, по минатонеделните наводи за американско шпионирање, според кои американски шпион бил вработен во германското министерство за одбрана. Овие наводи следеа по веста дека вработен во германското надворешно разузнавање бил уапсен откако бил осомничен дека работи како информатор за ЦИА.

Скандалот предизвика заладување на германско-американските односи, кои и онака беа студени по обвинувањата од минатата година дека американски агенти го прислушувале мобилниот телефон на германската канцеларка Ангела Меркел.

XS
SM
MD
LG