Достапни линкови

logo-print

Почнува ревизијата на изборите во Авганистан


Американскиот државен секретар Џон Кери изјави дека дводневните разговори со авганистанските претседателски кандидати во Кабул завршиле со договор за меѓународно надгледувана ревизија на гласачките ливчиња. Кери изјави дека сите 8.000.000 гласачки ливчиња кои биле пребројани од страна на авганистанските официјални претставници на изборите ќе бидат предмет на ревизија. Тој додаде дека и двајцата кандидати се согласиле да ги почитуваат резултатите од ревизијата и дека оној кој ќе биде победник веднаш ќе формира влада на национално единство. Ревизијата треба да почне денеска во Кабул. Гласачките кутии од регионите надвор од Кабул ќе се транспортираат од страна на војниците од Меѓународните сили за помош во безбедноста во Авганистан. Кери истакна дека некои разлики во гласањето вклучуваат наводи за број на гласачки ливчиња над нивото на гласачи во некои авганистански провинции.

XS
SM
MD
LG