Достапни линкови

Саудиски активист за човекови права осуден на 15 години затвор


Саудискиот Крал Абдула.

Саудискиот Крал Абдула.

Судот во Саудиска Арабија го осуди познатиот активист за човекови права, Абу ал-Хаир, на 15 години затвор. Тој беше обвинет за антидржавно делување, во што се вклучени прекршување на верноста кон Кралот Абдула, покажување непочитување кон властите и формирање на недозволено здружение. Според државната новинска агенција, тој е казнет и со парична казна од 200 илјади саудиски ријали, односно околу 53 илјади долари, забрането му е да излегува од земјата уште дополнителни 15 години, а сите негови интернет страници се затворени. Абу ал-Хаир го критикуваше новиот анти-терористички закон, кој од многумина активисти за човекови права беше оценет како алатка за замолчување на неистомислениците на власта. Новиот закон забранува каков било акт што „го нарушува јавниот ред и мир, ја разнишува безбедноста на општеството или го доведува во опасност националното единство“.

XS
SM
MD
LG