Достапни линкови

logo-print

Судири меѓу полицијата и демонстрантите на Бит Пазар


Не се работи за директни судири, туку од една страна демонстрантите фрлаат со камења и тули, а од другата страна полицијата одговара со солзавец, шок бомби и водени топови.

Во моментов толпата е потисната на Бит пазар каде што веќе можеби цел час траат судирите со полицијата. Не се работи за директни судири, туку од една страна демонстрантите фрлаат со камења и тули, а од другата страна полицијата одговара со солзавец, шок бомби и водени топови. Инаку протестите почнаа околу 13.30 пред Јаја паша џамијата каде што се собраа неколку илјади претежно млади луѓе Албанци да протестираат поради незадоволството од судската пресуда за случајот Монструм.

Протестот беше најавен преку социјалните мрежи за започна веднаш по завршувањето на петочната молитива во светиот муслимански месец Рамазан. Меѓу луѓето што протестираа имаше роднини на осудените во случајот Монструм.

​Групата демонстранти дополнително се зголеми на Бит Пазар и продолжија кон Судот. Таму демонстрантите фрлаа камења кон зградата на Судот, а на новинарите не им дозволуваа да снимаат. Пристигнаа и припадни на специјалните полициски сили, а се слушаат извици „ние не сме терористи“, „Јанкуловска е терорист“, „Голема Албанија“,, „полициска држава“,”Алах е голем“, „Али предавник“. Гневот е насочен како кон полицијата, така и кон првиот човек на ДУИ.

Сите демонстранти потоа се обидоа до Владата, но кај надвозникот во близина на трговскиот центар Мавровка се појавија неколку стотици полицајци со оклопни возила и водени топови и ги потиснаа назад кон Бит Пазар каде што се во моментов.

  • 16x9 Image

    Срѓан Стојанчов

    Новинарската кариера ја започна како новинар во внатрешно-политичката рубрика на дневниот весник Шпиц во 2008 година. Роден е на 27.10.1981г. во Скопје. Од февруари 2009 работи како постојан дописник за Радио Слободна Европа од Скопје.

Покажи ги коментарите

XS
SM
MD
LG