Достапни линкови

Почнува светското фудбалско првенство во Бразил


Светското првенство 2014 започнува вечер во Бразил. Во текот на следниот месец, 32 нации ќе се борат за титулата светски шампион во фудбал. Во првиот натпревар во Сао Паоло, домаќинот Бразил игра со Хрватска. Бразилската претседателка Дилма Русеф изјави дека нејзината земја е подготвена да биде домаќин на Светското првенство и покрај пречекорувањето на трошоците, доцнењата со градбите и протестите. Таа рече дека земјата ќе ги поздрави со "отворени раце" проценетите 600.000 фанови кои се очекува да присуствуваат.

Бразил потроши околу 11 милијарди долари за да се изгради и да реновира 12 стадиони, плус да се надополни инфраструктура, што го прави најскапо Светското првенство досега. Трошењето поттикна немири, а критичарите велат дека парите можеа да ги искористат за изградба на училишта, болници и јавниот транспорт.

Инаку, Светската фудбалска асоцијација (ФИФА) го зголеми паричниот награден фонд за учесниците на Мундијалот во Бразил. Учесниците на СП во Бразил ќе поделат 422 милиони евра, односно два повеќе во однос на првенството во Јужна Африка од пред четири години. Светскиот првак ќе заработи награда од 25,7 милиони евра, додека финалистот 18,3 милиони евра. Третото место ќе донесе награда од 16,1 милион евра, а четвртото 14,6 милиони.
  • 16x9 Image

    Марија Тумановска

    Марија Тумановска, родена 1981 година во Струмица. За време на студентските денови, волонтира во некои од пишаните медиуми. По завршувањето на факултетот за новинарство, станува соработник во детската редакција на Македонското радио, Радио Скопје. Подоцна работи во културниот сектор на истиот медиум. Во Радио Слободна Европа е од декември 2004 година.

XS
SM
MD
LG