Достапни линкови

logo-print

Состанок на НАТО за постојани сили во источна Европа


Министрите за одбрана на 28 земји членки на НАТО денеска и утре во Брисел ќе разговараат дали да стационираат постојани сили во источните земји на овој блок, како одговор на руските акции во Украина, соопшти висок претставник на Алијансата. Тие ќе го ревидираат договорот со Русија од 1997, според кој НАТО се воздржува од "дополнително перманентно стационирање на значителни борбени сили“.
Неколку земји од поранешниот Советски Сојуз, а сега членки на Алијансата, изразија загриженост по руската анексија на Крим во март годинава.
Каква било одлука за разместување на сили најверојатно ќе биде донесена на самитот на лидерите на НАТО закажан за септември во Велс, истакна претставникот.
XS
SM
MD
LG