Достапни линкови

СДСМ не го признава Иванов за претседател


СДСМ соопшти дека не го признава Ѓорге Иванов за претседател на Република Македонија. Во денешното соопштение од СДСМ се наведува дека „Ѓорге Иванов е избран на функцијата претседател на Република Македонија, на криминални, нефер и недемократски избори“.

„Од тие причини, Уверението што денеска го доби Иванов од член на ДИК, во отсуство на дел од членовите во највисокото изборно тело и на претседателот на ДИК, е парче хартија, коешто притоа не ја одразува волјата на сите граѓани на Република Македонија“, се вели во партиското соопштение.

Владејачката ВМРО-ДПМНЕ, пак, одговори дека на криминален, нефер и недемократски начин Зоран Заев бил ослободен од притвор и од судска постапка токму од лицето кое на криминален начин и со полнење кутии ја узурпирало функцијата претседател не Република Македонија.

„За разлика од тогаш, на 13 и на 27 април имаше мирни, слободни, фер и демократски избори на кои граѓаните јасно ја изразија својата волја и ги отфрлија старите лица од политиката кои лажно се претставуваа за нови“, стои во реакцијата на ВМРО-ДПМНЕ.
XS
SM
MD
LG