Достапни линкови

logo-print

Кери во мировна мисија во Јужен Судан


Американскиот државен секретар Џон Кери денеска пристигна во Јужен Судан како дел од напорите за ставање крај на борбите меѓу владините сили и бунтовниците во најновата африканска држава. Портпаролката на Стејт департментот, Џен Псаки, изјави дека Кери ќе ги повика сите страни „итно да престанат со нападите врз цивили и целосно да соработуваат со ОН и со хуманитарните организации“. Илјадници луѓе се убиени, а повеќе од еден милион луѓе го напуштија своите домови, откако во декември избори судири меѓу силите лојални на претседателот Салва Кир и оние лојални на поранешниот заменик претседател Риек Мачар. Тоа во голема мера е борба меѓу две спротивставени племиња, племето Динка на Кир и племето Нуер на Мачар. Се очекува Кери да се сретне со претседателот и телефонски да разговара со Мачар. Јужен Судан стана независна држава во 2011 година, по отцепувањето од Судан.
XS
SM
MD
LG