Достапни линкови

Најнови резултати од ДИК по пребројани 99,91 отсто од гласовите


ВМРО-ДПМНЕ во новиот собраниски состав ќе има 61 пратеник, СДСМ 34, ДУИ 19, ДПА 7, ГРОМ 1 и НДП 1, покажува симулацијата на ДИК според обработени 99,91 отсто или 3.511 од вкупно 3514 избирачки места.
За ВМРО-ДПМНЕ гласале 488.588 избирачи или 42,18 отсто, за СДСМ 283.869 или 24,91 процент, за ДУИ 153.577 или 13,48 отсто, за ДПА 66.392 или 5,83 отсто, за ГРОМ 31.610 или 2,77 проценти, додека за НДП 17.783 или 1,56 отсто.
На предвремените парламентарни избори излезеноста е 64 отсто од вкупно запишаните 1.780.128 избирачи. Неважечки се 37.586 ливчиња.
Кандидатот за претседател на ВМРО-ДПМНЕ и коалицијата „За подобра Македонија“ Ѓорге Иванов на претседателските избори освои 534.154 гласови или 55,25 отсто, додека кандидатот за претседател на СДСМ Стево Пендаровски 398.008 или 41,17 проценти, покажуваат последните податоци од Државната изборна комисија (ДИК).
Обработени се податоците од 3.509 избирачки места или 99,91 отсто. Во овие избирачки места гласале 966.834 лица, a излезеноста е 54,33 проценти. Неважечки се 34.690 ливчиња.
Вкупниот број избирачи запишани во Избирачкиот спсиок е 1.779.572.
XS
SM
MD
LG