Достапни линкови

logo-print

МОСТ:Одѕивот на гласачите до 13 часот 25,31 процент


Граѓанската асоцијација МОСТ информира дека одѕивот на гласачите за денешните претседателски избори до 13 часот е 25,31 проценти. До 12 часот на гласање излегле 19,88 проценти.Претседателот на МОСТ Дарко Алексов на прес-конференција информира за случаи во Битола, Куманово и во општина Карпош за бришење на мастило од палците,одбивање за обележување во Кавадарци и потпишани гласачи на погрешно место во Кичево.
Според МОСТ, во општина Ново Село имало 10-минутен прекин на гласањето, бидејќи, како што рече Алексов, „пред гласачкото место се вршел поткуп на гласачи, а член на ИО реагирал при што настанала тепачка и била повикана полиција“. Набљудувачите на МОСТ евидентирале и случај во Општина Бутел во кој член на ИО водел свој рачно напишан список за евиденција на гласачи.

Регистриран е и случај со фотографирање гласачко ливче, читање на глас на имиња на гласачи, јавно соопштување за кого го дале својот глас, покажување гласачко ливче пред да се стави во гласачка кутија.
XS
SM
MD
LG