Достапни линкови

Приштина бара Белград да ја признае независноста на Косово


Косовскиот министер за надворешни работи, Енвер Хоџај изјави дека до целосно нормализирање на односите со Србија може да се дојде само откако таа ќе ја признае независноста на Косово.Хоџај за време на својата посета во Берлин и средбите со пратениците од Бундестагот истакнал дека постојат пет чекори во процесот на нормализирање на односите меѓу Косово и Србија. Според него, првиот чекор е имплементирање на сите договори постигнати во дијалогот со Брисел, вториот е расформирање на српските нелегални структури на Косово од страна на властите во Белград, по што ќе следува интегрирање на српската заедница во косовските институции. Четвртиот чекор, според Хоџај, е Србија да не го блокира членството на Косово во европските организации и ОН, а на крајот треба да се случи меѓусебно признавање на Косово и Србија како две независни и суверени држави.
XS
SM
MD
LG