Достапни линкови

Аеродромот во главниот град на Крим под контрола на вооружени лица


Вооружени лица во униформи упаднале во аеродромот во главниот град на Крим, Симферопол, јавува Интерфакс Украина. Според информацијата, 50-ина лица околу полноќ дошле со камиони и ја презеле контролата врз аеродоромот. АФП подоцна јави дека аеродромот функционира нормално, но оти таму има униформирани вооружени луѓе.
Овој инцидент доаѓа еден ден откако вооружени лица ги окупираа зградите на парламентот на Крим и на регионалната влада.
Во меѓувреме е најавено дека Виктор Јанукович денеска во рускиот град Ростов на Дон ќе ја одржи својата прва прес конференција по отстранувањето од функцијата претседател на Украина. Во вчерашната изјава Јанукович истакна дека побарал од Русија да ја заштити неговата лична безбедност од „екстремисти“. Тој нагласи дека последните одлуки на украинскиот парламент се нелегални.
XS
SM
MD
LG