Достапни линкови

Талат Џафери на состанок на НАТО за Авганистан


Делегација на Министерството за одбрана, предводена од министерот Талат Џафери ќе престојува во Брисел, Белгија, каде ќе учествува на состанокот на северно-атлантската алијанса со земјите кои не се членки на НАТО, а придонесуваат во мисијата ИСАФ во Авганистан.
Целта на овој министерски состанок е да се направи проценка на прогресот во однос на процесот на транзиција и предавањето на целосна одговорност за безбедноста на Авганистанските сили, како и понатамошно планирање на мисијата пост-2014 година, наречена „Одлучна поддршка“, соопшти Министерството за одбрана.
По завршувањето на состанокот, министрите за одбрана на групата А-5 ќе реализираат состанок на кој ќе дискутираат за можното идно заедничко учество во мисијата „Одлучна поддршка“ и во подготовките на други НАТО предводени проекти.
XS
SM
MD
LG