Достапни линкови

logo-print

На Ромите им одземаат пасоши за да не побараат азил


Европскиот центар за правата на Ромите докуметирал 74 случаи на Роми на кои не им бил дозволен излез од земјата во периодот од 2011 до 2013 година, како и 24 случаи на кои им бил одземен пасош.

Иницијатива пред Уставениот суд поднел Европскиот центар за правата на Ромите поради измените во Законот за патни исправи. Според нив, основите за одзимање на пасошите, како и опструкциите на правото да се напушти земјата се спротивни на Уставот, како и на меѓународните регулативи за заштита на човековите права.
Деведесет отсто од документираните случаи укажуваат на фактот дека само Ромите биле симнувани од автобуси и им било барано да ја докажат целта на нивното патување.

Тефик Махмут вели дека Центарот докуметирал 74 случаи на Роми на кои не им бил дозволен излез од земјата во периодот од 2011 до 2013 година, како и 24 случаи на кои им бил одземен пасошот.
Илустрација.

Илустрација.


„Во 60 отсто од документираните случаи, односно од Ромите кои биле вратени од границите, од страна на граничните службеници им било кажано дека се вратени само затоа што така им било кажано. Граничните службеници дејствуваат врз основа на граничната припадност, а не врз основа на правила и прописи во рамки на нивните надлежности. Деведесет отсто од документираните случаи укажуваат на фактот дека само Ромите биле симнувани од автобуси и им било барано да ја докажат целта на нивното патување и да ја докажат, односно оправдаат својата дестинација“, вели Махмут.
Владите треба да создаваат политики кои ги решаваат проблемите, а не да ги ставаат под тепих. Со тоа што на Ромите им се оневозможува патувањето во друга земја не се решава проблемот, туку само се одложува.

Извршниот директор на Центарот Дезидериу Гергели вели дека поради притисокот однадвор властите го менуваат законот и притоа не ги земаат во предвид човековите права и околностите на индивидуата.

„Доколку преземате мерки против одредено лице, тие мерки треба да бидат во пропорција со околностите на индивидуата. Кога ја ограничувате слободата на движење на некого мора да ги земете во предвид неговите околности. Нашето видување за македонскиот закон е дека тоа не се почитува, особено во однос на документите за патување.“

Синан Ѓукчен вели дека владата треба да преземе поинакви мерки.

„Владите треба да создаваат политики кои ги решаваат проблемите, а не да ги ставаат под тепих. Со тоа што на Ромите им се оневозможува патувањето во друга земја не се решава проблемот, туку само се одложува.“

Според податоците на центарот од 2009 година до ноември 2012 година на околу 7.000 македонски државјани, главно Роми не им било дозволено да ја напуштат земјата. Граѓаните на Македонија може слободно да патуваат во земјите од ЕУ. Но, поради лажните баратели на азил властите преземаа низа мерки за да не се загрози визната либерализација.
  • 16x9 Image

    Марија Митевска

    Новинарската кариера ја започна во 2008 година во А1 телевизија како репортер во информативната програма.  Родена е на 14.04 1984 година во Скопје. Од мај 2009-та работи како постојан дописник за Радио Слободна Европа од Скопје.

Покажи ги коментарите

XS
SM
MD
LG