Достапни линкови

Пакистан отвора постојана воена база во немирната Долина Сват


Пакистанскиот премиер Наваз Шариф изјави дека ќе биде отворена постојана воена база на пакистанската армија во Долината Сват, проблематична област во провинцијата Хибер-Пактунква на северозападот на земјата. Талибанците предводени од свештеникот Маулана Фазлула, сега лидер на движењето Техрик-е-Талибан Пакистан, ја презедоа контролата врз областа во 2007 година. До јули 2009 година, пакистанската армија прогласи дека ја вратила контролата врз регионот, но повеќе од 20 илјади војници останаа во и околу областа, а нападите од милитантите продолжија. Шариф вчера изјави дека новата воена база ќе биде за брзо распоредување во Сват и во соседните области.
XS
SM
MD
LG