Достапни линкови

logo-print

Пукано врз резиденцијата на германскиот амбасадор во Атина


Изутрината било пукано врз резиденцијата на германскиот амбасадор во Атина, соопшти грчката полиција, додавајќи дека во инцидентот нема повредени, прецизира полицијата. Најмалку четири куршуми завршиле на надворешната метална врата на резиденцијата. Истрагата до овој момент собрала 15 куршуми. Според полициски извори, имало двајца напаѓачи. Грчкиот премиер Андонис Самарас и министерот за јавен ред Никос Дендиас по инцидентот телефонски разговарале со германскиот амбасадор во Атина Волфганг Долд. Антигерманската реторика е широко распространета меѓу грчките опозициски политичари и групи, кои се противат на спасувачките договори за земјата, заради строгите мерки за штедење.
XS
SM
MD
LG