Достапни линкови

Осомничен либиски терорист денеска пред суд во САД


Синовите на уапсениот покажуваат каде бил „киднапиран“ нивниот татко.

Американски претставници соопштија дека осомничениот либиски терорист Абу Анас ал-Либи, кој беше заробен од американските специјалци во Триполи, па држен на американски воен брод, пристигна во САД и денеска треба да биде изведен пред суд. Осомничениот припадник на Ал Каеда се бара во САД поради учество во нападите врз американските амбасади во Кенија и во Танзанија во 1998 година, во кои беа убиени 224 цивили. Ал-Либи, чие вистинско име е Назих Абдул-Хамед ал-Рукаи, беше уапсен во рација во Триполи на 5 октомври. Тој беше на листата на најбарани терористи на ФБИ, кое за информација што ќе доведе до негово апсење нудеше 5 милиони долари.
XS
SM
MD
LG