Достапни линкови

Продлабочување на воената соработка со Косово


Косовскиот министер на безбедносните сили Агим Чеку се сретна со министерот за одбрана Талат Џафери во Скопје.

Косовскиот министер на безбедносните сили Агим Чеку се сретна со министерот за одбрана Талат Џафери во Скопје.

Македонија и Косово потпишаа протокол за воена соработка, каде што се предвидува засилување на соработката во одбраната, образованието, размената на искуства, заеднички вежбовни активности, средби на експерти од разни сфери, спортски натпревари и искористување на капацитетите на АП „Кривлак“ и Воената академија.

Со протоколот за воена соработка се продлабочува соработката во повеќе области, како што се одбраната, образованието, размената на искуства, заеднички вежбовни активности, средби на експерти од разни сфери, спортски натпревари, искористување на капацитетите на АП „Кривлак“ и Воената академија, каде се образуваат и питомци од Косово, заедно со питомците од Црна Гора, Босна и Херцеговина и Хрватска.
Како Република Македонија и како Министерство продолжуваме да им даваме поддршка на Република Косово и на Министерството на безбедносните сили на Република Косово, во изградбата на капацитетите за коишто се определиле во однос на воспоставување на потребната формација којашто произлегува од планот на Ахтисари.

Ова го изјави министерот за одбрана Талат Џафери по потпишувањето договор за соработка во одбраната со неговиот косовски колега Агим Чеку.

„Како Република Македонија и како Министерство продолжуваме да им даваме поддршка на Република Косово и на Министерството на безбедносните сили на Република Косово, во изградбата на капацитетите за коишто се определиле во однос на воспоставување на потребната формација којашто произлегува од планот на Ахтисари“, рече Џафери.

Министерот на безбедносните сили на Косово Агим Чеку рече дека добрососедските односи се јасна определба на Косово и прецизираше дека потпишаниот протокол вклучува соработка во билатералните односи на регионално ниво и во рамки на НАТО интеграциите.
Ние сме убедени дека само продлабочената и супстенцијална соработка и усогласените политики и координираните одлуки се најдобар начин за изградба на овие добрососедски односи и изградба на мирот и стабилноста во регионот.

„Ние сме убедени дека само продлабочената и супстенцијална соработка и усогласените политики и координираните одлуки се најдобар начин за изградба на овие добрососедски односи и изградба на мирот и стабилноста во регионот“, рече Чеку.

Во врска со определената квота за запишување питомци на Воената академија во Скопје, Џафери рече дека ќе се запишуваат 26 питомци од земјава, а осум места се оставени за питомци од армиите од земјите од регионот, вклучително и од Косово.

Џафери не сакаше да го коментира црногорскиот предлог за формирање т.н. западнобалканска шесторка, додека неговиот косовски колега рече дека на предлогот гледа како на соработка меѓу државите од поранешна Југославија, а не како формирање нова зедница. Косово има интерес да има добра соработка со сите земји од регионот. Сите земји од регионот имаат заедничка перспектива, а тоа е интеграција во ЕУ и во НАТО и таквата интеграција ќе биде остварена само преку соработка, рече Чеку.

За безбедносната ситуација на Косово, Чеку рече дека е стабилна, но дека сепак во северниот дел има поединци и структури кои се спротивставуваат на договорот што го потпишаа Косово и Србија. Северниот дел на Косово отсекогаш бил потенцијална закана за косовскиот мир и безбедност, особено по војната, но сепак сме тргнати во добар правец тоа да се реши, одговори Чеку, додавајќи оти трите страни - Косово, Србија и ЕУ се посветени да се постигне успех.
  • 16x9 Image

    Мирјана Спасовска

    Родена е во Скопје 1971 година. Од 1996 та година работи во телевизиската кука А1. Од 1998 та година е во телевизијата Телма каде за централно информативната емисија известува за дневни социјално - општествени теми.  Во Радио Слободна Европа е од 2002 та година.  

Покажи ги коментарите

XS
SM
MD
LG