Достапни линкови

Нимиц не носи нов предлог за името


Медијаторот на Обединетите нации Метју Нимиц во понеделник во Атина не доаѓа со нов предлог за решавање на прашањето за името, јавува Македонската информативна агенција, повикувајки се на дипломатски извори. Последните денови грчките медиуми објавија неколку анализи за престојоната посета на Нимиц на Атина и Скопје, при што уште еднаш наласија дека последниот предлог кој Нимиц во април им го претстави на амбасадорите Јолевски и Василакис не е прифатлив за Грција. Весникот „То Вима“ напиша дека „последниот предлог ’Горна Република Македонија’ бил одбиен од грчката страна “затоа што е јасно дека Атина не прифаќа поставување на геграфската одредница пред уставното уредување“. „Катимерини“, пак, во својата анализа се задржа на географската одредница „северна“ и пишува дека „предлогот ’Република Северна Македонија’ е тежок за варење, но може да биде основа за разговор“.
XS
SM
MD
LG