Достапни линкови

logo-print

Состанок на министрите на ЕУ за кризата во Египет


Министрите за надворешни работи на Европската Унија денеска во Брисел ќе одржат состанок на кој ќе се разговара за кризата во Египет.
Унијата размислува дали да ја прекине помошта за Каиро по операцијата на египетската армија против поддржувачите на соборениот претседател Мухамед Морси. ЕУ е најголемиот трговски партнер на Египет и минатата година вети околу 5 милијарди евра во заеми и помош за Египет. Претставниците на ЕУ соопштија дека Брисел исто така размислува дали да воведе ембарго за оружје за Египет.
Во Вашингтон вчера, претседателот Барак Обама се состана со својот тим за национална безбедност со кој дискутираше за тоа дали да се намалат средствата кои Соединетите Држави секоја година ги даваат на Египет.
Во меѓувреме, САД го критикуваше апсењето на лидерот на Муслиманското братство Мухамед Бади, во врска со наводите за иницирање на насилство и убиство.
XS
SM
MD
LG