Достапни линкови

САД повторно отвораат дел од дипломатските мисии на Блискиот Исток


Американската амбасада во Тел Авив.

САД повторно отвораат дел од дипломатските мисии на Блискиот Исток и во Африка, кои беа затворени минатата недела од безбедносни причини. Неколку американски амбасади, меѓу кои и мисиите во ОАЕ, Абу Даби, Либија и американскиот конзулат во Дубаи денеска повторно отворија, а се очекува останатите да отворат наредната недела. САД затвори 19 дипломатски мисии на Блискиот Исток и во Африка на 4 август, поради, како што соопштија американските власти, терористичка закана од Ал Каеда и нејзините филијали. Властите соопштија дека сите мисии ќе бидат отворени оваа недела, освен амбасадата во главниот град на Јемен, Сана.
XS
SM
MD
LG