Достапни линкови

logo-print

Најмалку 20 луѓе загинале во воздушен напад во Сирија


Најмалку 20 луѓе загинале во воздушен напад од страна на сириската војска во провинцијата Латакија во северозападниот дел на Сирија, соопшти сириската опсерваторија за човекови права со седиште во Велика Британија.

Сирискиот претседател Башар ал-Асад контролира голем дел од јужна и централна Сирија, додека бунтовниците ги држат северните области во близина на турската граница и по долината на Еуфрат. Обединетите нации соопштија дека повеќе од 100 илјади луѓе се убиени во 28-месечниот конфликт во земјата, а 1,7 милиони Сиријци избегале. Во петокот, рускиот министер за надворешни работи Сергеј Лавров по разговорите во Вашингтон изјави дека тој и американскиот државен секретар Џон Кери се согласиле за потребата да се започне со мировна конференција во Женева за Сирија, што е можно поскоро.
XS
SM
MD
LG