Достапни линкови

Врховниот лидер го одобри Рохани за нов претседател на Иран


Врховниот лидер на Иран Ајатола Али Хаменеи го одобри Хасан Рохани за нов претседател на земјата. Во рамките на уставот на Иран, одобрувањето од страна на Хаменеи го означува официјалниот почеток на четиригодишниот мандат на Рохани. Поддршката пристигна за време на церемонијата кога Хаменеи го бакна Рохани на челото. Предвидено е Рохани утре да даде заклетва на функцијата пред иранскиот парламент и странски претставници од 52 земји. 64-годишниот свештеник ќе стане седмиот претседател на Иран. Тој ја освои поддршката од реформистите на јунските претседателски избори во земјата.
Рохани го наследува Махмуд Ахмадинеџад, чиј двократен мандат беше одбележан со спорниот реизбор и казнување на дисидентите.
XS
SM
MD
LG