Достапни линкови

logo-print

Грција ќе формира фирма за стопанисување со црковен имот


Во Грција ќе биде формирана компанија за стопанисување со имотот на Грчката православна црква, јави Радио Атина. Во формирањето на компанијата ќе учествуваат грчката држава и Атинската архиепископија, кои ќе бидат единствени акционери во неа. За таа цел, грчкото Министерство за финанси ќе треба да направи измени во законот за имотите што имаат добротворни цели. Акциите на новата компанија нема да можат да се префрлаат на трети лица, членовите на нејзиниот Управен одбор ќе ги именуваат министерствата за финансии и за образование и Атинската архиепископија. Во Грција има 123 имоти за кои ќе се грижи новоформираната компанија и тие главно се наоѓаат во реонот на областа Атика. Нивната вредност се проценува на 45 милиони евра.
XS
SM
MD
LG