Достапни линкови

Николиќ - Србија никогаш нема да го признае Косово


Претседателот на Србија Томислав Николиќ на средба со украинскиот претседател Виктор Јанукович.

Претседателот на Србија Томислав Николиќ на средба со украинскиот претседател Виктор Јанукович.

Претседателот на Србија Томислав Николиќ денеска во разговор со украинскиот претседател Виктор Јанукович истакна дека Србија е сериозно посветена на евроинтеграциите, дека никогаш нема да го признае Косово и дека од ЕУ очекува да остане неутрална, јави Танјуг.

„Србија со ЕУ преговара со сериозни отстапки, но постојат прашања за кои нема преговори“, изјави српскиот претседател.

Според Николиќ, постои еден услов што Европа не и го постави на Србија и за кој дури била принудена да изјави дека е статусно неутрална, иако понекогаш не се однесува така.

„На тој „непоставен услов“ одговорот на Србија е дека никогаш нема да ја прифати независноста на Косово“, истакна Николиќ.

Тој се наоѓа во посета на Киев, каде присуствува на одбележувањето на 1025 години од примањето на христијанството. На свеченоста по повод јубилејот од крштевањето на Киевска Рус во главниот град на Украина присуствуваа и рускиот претседател Владимир Путин и претседателот на Молдавија Николае Тимофти.
XS
SM
MD
LG