Достапни линкови

Реакција на писателите за лустрирањето на Славко Јаневски


Друштвото на писателите на Македонија ја отфрли одлуката на Комисијата за верификација на фактите со која писателот Славко Јаневски е прогласен за соработник на тајните служби. Друштвото на писателите на Македонија бара одговорност заради овој антиуставен чин на Комисијата за верификација на фактите која посегна по една од најсветлите личности на современата македонска литература и култура, надвор од нормите што ги подразбира законот за лустрација, е наведено во соопштението.
Друштвото на писателите чинот го толкува како тенденција за бескрупулозно газење и рушење на темелните вредности на македонската национална култура. Според нив, апсурдно е да се помисли дека дејствувањето на Славко Јаневски во литературата и културата било на штета на развојот на одредени автори и процеси.
XS
SM
MD
LG