Утрински најјасен во врска со новото фијаско на Македонија кај европските министри: „Молк за дебаклот во ЕУ - Македонскиот државен врв исчезна од јавниот радар за да не мора да коментира зошто нашата држава воопшто не беше тема на министерскиот состанок во Луксембург и како се случи Србија да има преговори, а ние уште едно одложување на патот кон членство во Унијата“.
Дневник само ја пренесува анализата на Дојче веле дека „Македонија мора уште да чека за ЕУ“, а Вечер, на ден пред состанокот, поаѓајќи од поддршката на шефот на бугарската дипломатија, буквално оди со наслов: „Позитивни тонови од ЕУ за Македонија: Филе бара да не се заборава земјата, Вигенин со поддршка“.
Изјавата на вицепремиерот за евроинтеграции, Фатмир Бесими, дека спорот со Грција не е единствената причина поради која Македонија на Самитот на Унијата кон крајот на неделава нема да добие датум за преговори, го провоцира Утрински да напише дека: „Груевски и Ахмети исто мислат, различно зборуваат - се добива впечаток дека се опозиција еден на друг“. Но за поранешниот министер за надворешни, Милошоски, се чини, за недобивањето датум е виновен Бесими: Дневник ја пренесува неговата изјава: „Бесими да размисли за оставка ако смета дека не може да го координира процесот на приближување на Македонија кон ЕУ“.
Дневник и Вечер координирано во напад на известувачот на ОН за медиуми, Ла Ру, кој по престојот во Скопје изјави дека во земјава постојат политички притисоци и заплашувања врз новинарите: бил, наводно, на платниот список на познатиот Џорџ Сорос, чија фондација и нејзиниот директор во земјава, Милчин, инаку се трн во окото, како на некои медиуми, така и на власта. Вечер, пак, од околу, веројатно алудирајќи и на Ла РУ, пренесува мислење на Институтот „Тодор Александров“: „Лажираните извештаи - притисок за промена на името на државата“.
Многупати најавуваното потпишување на договорот за Јужниот тек во Санкт Петерсбург, не се оствари по кој знае кој пат: Утрински насловува дека по неколкудневниот молк, „Владата се огласи - причините се технички“.
Утрински ги објавува информациите од Министерството за финансии дека „Буџетскиот минус за пет месеци надмина 200 милиони евра“, а сите медиуми објавија информации за официјалното основање на Алијанса за позитивна Македонија, при што насловот во Утрински гласи: „Бучковски, Јорданов и Зиков - лидерско трио кое маршира одлево кон центарот“.
Молк за дебаклот во ЕУ - Македонскиот државен врв исчезна од јавниот радар за да не мора да коментира зошто нашата држава воопшто не беше тема на министерскиот состанок во Луксембург и како се случи Србија да има преговори, а ние уште едно одложување на патот кон членство во Унијата.Утрински весник.
Дневник само ја пренесува анализата на Дојче веле дека „Македонија мора уште да чека за ЕУ“, а Вечер, на ден пред состанокот, поаѓајќи од поддршката на шефот на бугарската дипломатија, буквално оди со наслов: „Позитивни тонови од ЕУ за Македонија: Филе бара да не се заборава земјата, Вигенин со поддршка“.
Изјавата на вицепремиерот за евроинтеграции, Фатмир Бесими, дека спорот со Грција не е единствената причина поради која Македонија на Самитот на Унијата кон крајот на неделава нема да добие датум за преговори, го провоцира Утрински да напише дека: „Груевски и Ахмети исто мислат, различно зборуваат - се добива впечаток дека се опозиција еден на друг“. Но за поранешниот министер за надворешни, Милошоски, се чини, за недобивањето датум е виновен Бесими: Дневник ја пренесува неговата изјава: „Бесими да размисли за оставка ако смета дека не може да го координира процесот на приближување на Македонија кон ЕУ“.
Македонија мора уште да чека за ЕУ.Дневник.
Дневник и Вечер координирано во напад на известувачот на ОН за медиуми, Ла Ру, кој по престојот во Скопје изјави дека во земјава постојат политички притисоци и заплашувања врз новинарите: бил, наводно, на платниот список на познатиот Џорџ Сорос, чија фондација и нејзиниот директор во земјава, Милчин, инаку се трн во окото, како на некои медиуми, така и на власта. Вечер, пак, од околу, веројатно алудирајќи и на Ла РУ, пренесува мислење на Институтот „Тодор Александров“: „Лажираните извештаи - притисок за промена на името на државата“.
Многупати најавуваното потпишување на договорот за Јужниот тек во Санкт Петерсбург, не се оствари по кој знае кој пат: Утрински насловува дека по неколкудневниот молк, „Владата се огласи - причините се технички“.
Утрински ги објавува информациите од Министерството за финансии дека „Буџетскиот минус за пет месеци надмина 200 милиони евра“, а сите медиуми објавија информации за официјалното основање на Алијанса за позитивна Македонија, при што насловот во Утрински гласи: „Бучковски, Јорданов и Зиков - лидерско трио кое маршира одлево кон центарот“.