Достапни линкови

Протест пред грчката канцеларија за врски во Скопје


Мирен протест се одржа денеска пред Грчката канцеларија за врски во Скопје организиран од Македонската асоцијација на новинари поради забраната за влез во Грција на новинарката на „Дневник“ Ивана Костовска.
Од протестот што го поддржаа и Здружението на новинари на Македонија и Самостојниот синдикат на новинари на Македонија беше упатено барање од МАН до Грчката канцеларија за врски најитно да се произнесе и да ги обелодени причините поради кои на новинарката Костовска и е забранет влез во Грција. Истовремено МАН бара од Владата на Грција повлекување на оваа одлука и овозможување непречен влез на новинарката на територијата на Република Грција.
- МАН смета дека регистрирањето на новинарката Костовска во регистарот на непожелни личности со карактеристика опасност за јавниот ред и безбедност, јавното здравје и меѓународните односи претставува грубо кршење на основните демократски постулати на слободата на движење. Ваквата одлука на грчките власти за МАН е особено скандалозна бидејќи доаѓа од држава членка на ЕУ, изјави претседателот на МАН Слаѓана Димишкова.
На протестот новинарката Костовска потенцира дека и покрај тоа што се поминати речиси 10 дена се уште нема објаснување од Грчката канцеларија за причините поради кои е вратена од македонско-грчката граница.
XS
SM
MD
LG