Достапни линкови

logo-print

Албанскиот претседател го откажа учеството на Самитот во Охрид


Претседателот на Албанија Бујар Нишани

Претседателот на Албанија Бујар Нишани

Претседателот на Република Албанија Бујар Нишани нема да учествува на Самитот на шефови на држави на ПСЈИЕ што ќе се одржи на први и втори јуни во Охрид. „Причина за ваквата одлука на Нишани е фактот што претседателката на Косово Атифете Јахјага не е поканета да учествува на Самитот, што е во спротивност со духот на соработката и дијалогот кој владее во регионот и кој го олеснува остварувањето на заедничката цел - европска интегација. Оставањето на Косово надвор од Самитот е резултат на притисокот од страна на Србија, што е во спротивност со потпишаните договори меѓу Косово и Србија и поконкретно се крши член 14 од договорот Тачи-Дачиќ, потпишан во Брисел на 19 април 2013“, стои во соопштението од кабинетот на албанскиот претседател.
Претседателката на албанскиот Парламент Јозефина Топали не учествуваше на Десеттата конференција на претседателите на парламентите на ПСЈИЕ што деновиве се одржа во Охрид, а и шефот на дипломатијата Алдо Бумчи најави дека нема да учестувува на претстојниот Формален состанок на министрите за надворешни работи на земјите учеснички во ПСЈИЕ.
XS
SM
MD
LG