Достапни линкови

logo-print

Жерновски-празна е касата на Центар


Новиот градоначалник на скопската општина Центар Андреј Жерновски

Новиот градоначалник на скопската општина Центар Андреј Жерновски

Новиот градоначалник на Центар Андреј Жерновски денеска изјави дека буџетот на општината е потрошен. Тој за таквата состојба го обвини неговиот претходник Владимир Тодоровиќ. Според него, најбогатата општина во касата има нула денари средства.
Жерновски порача дека очекуваниот прилив до крајот на годината е 350 милиони денари, а иста е и бројката на преземени обврски. Со земените кредити, како што изјави тој, за двете катни гаражи во висина од 5 и пол милиони евра, потрошен е уште еден буџет.
Владејачката ВМРО-ДПМНЕ реагира дека новиот градоначалник секој ден си создава алиби затоа што не знае како да ја води општината. Според соопштението, Жерновски ниту еднаш не понудил реален концепт и реално остварлива програма. Од ВМРО ДПМНЕ порачуваат дека Жерновски се занимава со „глупости, зборува за опструкции, рушења, дислокации и мораториуми наместо да се зафати со решавање на потребите на граѓаните на Центар и да изгради нешто“.
XS
SM
MD
LG