Достапни линкови

Не запира растот на американските берзи


Американските берзантски индекси достигнаа ново рекордно високо ниво. Дау Џонс порасна за 0,88 отсто и вчерашниот ден го заврши со рекордни 14.802,24 поени. Берзантскиот индекс 500 на Стандард и Пурс се зголеми за 1,22 отсто и достигна 1.587,73 поени, исто така рекорд на сите времиња. Индексот Насдак порасна за 1,83 отсто и достигна 3.297,25 поени, што е највисоко од ноември 2000 година. Растот е предводен од акциите во технолошките компании. Аналитичарите велат дека растот се одразува на оптимизмот на инвеститорите дека стопанството ќе ја зголеми потрошувачката на технолошки производи за зајакнување на нивното работење.
XS
SM
MD
LG