Достапни линкови

Кондарко - Бројни сериозни нарушувања на изборниот процес


Претседателот на ДИК Борис Кондарко.

Претседателот на ДИК Борис Кондарко.

Претседателот на ДИК Борис Кондарко рече дека изборниот ден помина без насилство и без предизвикување физички инциденти, но дека, според сознанијата и информациите на ДИК, имало и огромен број сериозни нарушувања на изборниот процес и постапката за гласање во и вон гласачките места.

„Со оглед на природата и содржината на забелешките за кои имаме информации дека се наведени во записниците на многу избирачки места во различни општини, очекувам дека ДИК истите сериозно и одговорно ќе ги истражи и ќе ги провери во целост, за што во наредниот период, во законските рокови, ќе одлучува јавно и транспарентно, а сето тоа по добивањето на записниците од избирачките места. Посебно сакам да истакнам и очекувам дека ДИК исто така ќе се произнесе и во врска со посебните информации што треба да ги добиеме од МВР, а во врска со состојбата на поголемиот број на граѓани кои имаат лични карти издадени од МВР на исти адреси кои се наоѓаат во избирачкиот список“, рече Кондарко.
XS
SM
MD
LG