Достапни линкови

Атниамерикански протести во Кабул


Неколку стотини жители на авганистанската покраина Вардак протестираат денеска пред Парламентот во Кабул против присуството на американските специјални сили во нивната област. Полицијата соопшти дека во главниот град на протест се собрале меѓу 200 и 500 демонстранти, кои извикуваат антиамерикански слогани и бараат ослободување на девет локални жители за кои велат дела биле приведени од страна на американските сили.

Американски официјални лица соопштија дека само четири од девететте исчезнати лица биле уапсени во заедничка американско-авганистанска акција.

Авганистанскиот претседател Хамид Карзаи минатиот месец побара од сите американски специјални сили да го напуштат Вардак, обвинувајќи ги за убиства и за исчезнување на луѓе. Но, тој се согласи да им даде на американските команданти повеќе време да се создадат решенија за одржување на безбедноста во покраината, која милитантите ја користат како коридор за да донесат оружје во Кабул.
XS
SM
MD
LG