Достапни линкови

logo-print

Телото на Чавес ќе биде заштитено како Ленин


Привремениот претседател на Венецуела Николас Мадуро изјави дека телото на Уго Чавес ќе биде заштитено како Ленин и ќе биде трајно изложено во стаклен ковчег. Тој соопшти дека телото на починатиот претседател ќе биде изложено уште седум дена во воената академија, во близина на претседателската палата. Ова соопштение доаѓа пред погребот на Чавес кој ќе биде извршен денеска, на кој се очекува да присуствуваат десетици светски лидери, меѓу кои и претседателите на Иран Махмуд Ахмадинеџад и на Белорусија Александар Лукашенко.
Веста за смртта на 58-годишниот Чавес беше објавена во вторникот. Чавес, кој владееше 14 години, се лекуваше од рак и на Куба имаше неколку операции.
XS
SM
MD
LG