Достапни линкови

logo-print

Тачи бара помош од САД во дијалогот Белград-Приштина


Премиерите на Косово и на Србија, Хашим Тачи и Ивица Дачиќ, со шефицата за надворешна политика на ЕУ Кетрин Ештон во Брисел.

Премиерите на Косово и на Србија, Хашим Тачи и Ивица Дачиќ, со шефицата за надворешна политика на ЕУ Кетрин Ештон во Брисел.

Косовскиот премиер Хашим Тачи денеска ги повика САД да се вклучат во дијалогот со Србија, кој се води под покровителство на ЕУ и е со цел да се нормализираат односите меѓу Приштина и Белград.

„Барам ваше разбирање и ваша поддршка“, наведува Тачи во соопштение по телефонски разговор со заменикот американски државен секретар Вилијам Барнс.

Повикот е упатен пред новиот круг разговори меѓу Тачи и српскиот премиер Ивица Дачиќ закажан за в понеделник во Брисел.

Српскиот премиер Ивица Дачиќ, пак, изјави дека во дијалогот со Приштина на повидок се големи проблеми, дека нема нови договори и оти не знае за што би требало да го информира Парламентот, јави Танјуг.
XS
SM
MD
LG