Достапни линкови

Германска министерка поднесе оставка поради плагиран докторат


Германската министерка за образование Анет Шаван.

Германската министерка за образование Анет Шаван.

Германската министерка за образование Анет Шаван поднесе оставка, откако докторатот ѝ беше одземен по обвиненијата за плагијат. Пред неколку дена, универзитетот во Дизелдорф и го одзеде докторатот, повеќе од 30 години по докторирањето. Универзитетот соопшти дека Шаван „систематски и намерно“ копирала делови од нејзините тези. Таа денеска соопшти дека поднесува оставка за да спречи притисоци врз владата и врз нејзината Христијанско демократска партија, но дека не ја прифаќа одлуката на Универзитетот и оти правдата ќе бара на суд. Шаван е блиска пријателка и сојузник на канцеларката Ангела Меркел. Скандалот се случува во изборна година, а владата на Меркел ќе се обиде да добие трет мандат. Во 2011 година, и тогашниот министер за одбрана во владата на Меркел, Карл-Теодор цу Гутенберг поднесе оставка, откако беше обвинет за плагијат во неговите докторски тези.
XS
SM
MD
LG