Достапни линкови

logo-print

Неконкурентни производи и слаби менаџери за намален извоз


Извозот во 2012 година е за 10 отсто помал во однос на претходната година. Освен светската криза, причините се бараат и во неконкурентното производство и менаџерите кои не успеваат на најдат нови пазари.

Извозот на земјата во минатата година во однос на 2011 забележал пад од околу 10 отсто, според последните податоци на Државниот завод за статистика. Трговскиот дефицит на земјата пак изнесува 2 милијарди и 509 065 долари.
Нашиот производ произведен во Македонија со скап денар, кога ќе ја помине границата е најмалку за онолку поскап колку што е денарот преценет.

Поранешниот заменик министер за економија Зоран Витанов вели дека таквата состојба е јасно дека ќе влијае негативно на невработеноста, како и на компаниите кои нема да бидат профитабилни, ќе се намали ликвидноста и нема да има нови инвестиции. Според него, причината за големиот трговски дефицит е преценетоста на македонскиот денар и погрешната монетарна политика.
Премиерот Никола Груевски на жетва во Пелагонија.

Премиерот Никола Груевски на жетва во Пелагонија.


Тоа не зависи исклучиво од владата, ниту од мерките на владата, тоа зависи од менаџерите и од освојувањето на трети пазари.
„Се додека ние имаме скап денар, се додека ние вештачки го држаме денарот фиксно врзан за еврото, Македонија е атрактивна за увоз, не е атрактивна за извоз. Нашиот производ произведен во Македонија со скап денар, кога ќе ја помине границата е најмалку за онолку поскап колку што е денарот преценет. Сега ние треба да си поставиме прашање дали монетарната власт во државата, а тука корелација има и фискалната, има интерес да ги штити банките или има интерес да го штити стопанството.“

Бизнисменот Зоре Темелковски вели дека конкуренцијата на светскиот пазар се зголемува и домашните производители не се доволно организирани за освојување на нови пазари.

„Тоа не зависи исклучиво од владата, ниту од мерките на владата, тоа зависи од менаџерите и од освојувањето на трети пазари. Колку се тие присутни, колку се агресивни и колку го засноваат својот производ на бенефиции од државата.“

Според Витанов, земјата 22 години ги штити банките и затоа дефицитот во меѓународната трговска размена е негативен и од година во година се зголемува.

„Се додека денарот остане преценет, до тогаш индустриското производство, извозот, вработеноста ќе бидат такви какви што се, а дефицитот во меѓународната трговска размена ќе расте во негативна смисла.“

Според статистика зголемен извоз има само на пијалаци и тутун, како и на машини и транспортни уреди. Најмногу извезуваме во земјите од ЕУ.
  • 16x9 Image

    Марија Митевска

    Новинарската кариера ја започна во 2008 година во А1 телевизија како репортер во информативната програма.  Родена е на 14.04 1984 година во Скопје. Од мај 2009-та работи како постојан дописник за Радио Слободна Европа од Скопје.

XS
SM
MD
LG