Достапни линкови

Црвенковски не сака експертска комисија за настаните од 24 декември


Претседателот на СДСМ Бранко Црвенковски го одби предлогот на претседателот Ѓорге Иванов за формирање непартиска експертска комисија за утврдување на фактите за настаните од 24 декември во и пред Собранието и за настаните кои претходеа.

„За жал, Вашиот предлог за формирање „експертска комисија“ за утврдување на фактите го оценуваме како уште еден обид да се одложи соочувањето на актуелната власт со сопственаta одговорност, и затоа за нас е неприфатлив. Ниту на домашната, ниту на меѓународната јавност не им се потребни комисии за да се утврдат фактите, бидејќи снимките со вистината за прекршувањето на процедурите, Деловникот, Законот, Уставот и суспендирањето на парламентарната демократија од страна на власта, веќе го обиколија светот“, се вели во писмото што лидерот на СДСМ му го упати на Иванов.

Црвенковски наведува дека кај опозицијата постои искрена политичка волја заеднички да се утврдат и реализираат сите предуслови за одржување слободни и фер предвремени парламентарни избори, како прв неопходен чекор за нормализирање на односите и враќање на демократијата во земјата.
XS
SM
MD
LG