Достапни линкови

Дневен печат - Барањата на СДСМ и посетата на Нимиц


Лидерот на СДСМ Бранко Црвенковски на прес конференција во седиштето на партијата.

Лидерот на СДСМ Бранко Црвенковски на прес конференција во седиштето на партијата.

Медиумите анализираат за посетата на Метју Нимиц на Атина и Скопје, како и за барањата на СДСМ за парламентарни избори и привремена влада.

Освен тоа што сите медиуми го чекаат медијаторот Нимиц по Атина да дојде и во Скопје, топ тема се одлуките на Централниот одбор на СДСМ за учество на партијата на изборите.
СДСМ без Црвенковски, а тој продолжува со услови за да не оди на избори - Бране, да не имаш и некоја музичка желба?

„Црвенковски бара парламентарни избори и привремена влада“ и „Опозиционерите ги премотуваат старите сценарија; 2008, 2011, 2013 - веќе видено од СДСМ“, објавува Дневник.

Утрински вели: „Црвенковски: Без влада од доверба, не одиме на избори“, а дневниот Капитал насловува: „Црвенковски: Локални избори само заедно со парламентарни! А парламентарни само ако се фер!“
Црвенковски да бара со усул, Груевски да прифати со амин. Не смееме да бегаме од фактот дека Македонија е во сериозна и длабока политичка криза.

Вечер си има информации дека меѓународната заедница работела на создавање нова левица во Македонија: „СДСМ без Црвенковски, а тој продолжува со услови за да не оди на избори - Бране, да не имаш и некоја музичка желба?“, гласи насловот во овој весник.

Нова Македонија покрај главната вест од состанокот на СДСМ, во наслов како да најавува можност од компромис: „Црвенковски да бара со усул, Груевски да прифати со амин“, за подолу да напише: „Не смееме да бегаме од фактот дека Македонија е во сериозна и длабока политичка криза...“ И малку како од околу, Утрински излегува со ваков наслов: „Ќе повлече ли нога ДУИ за реконструкција? ДУИ прва стави на тест двајца свои министри - Арифи и Бејта. Дали следни на ред се министри на ВМРО-ДПМНЕ?

„Во врска со овие најави, Ден насловува: „ДУИ го префрла европскиот костен кај ВМРО-ДПМНЕ - во партијата немаат ништо против евроинтеграциите да бидат во нивно владение“. И Ден уште наведува и три имиња со фотографии за можни наследници на Арифи: Блажевски, Даскаловски и Клековски.

Истиот весник насловува: „Бизнисот со бугарски пасоши застана на стаклени нозе по полицискиот претрес кај посредници од Струмица“, за понатаму да го пренесе пишувањето на бугарската агенција Стандард: „Апсења на нашите во Македонија“. Утрински во коментар прашува како тоа токму сега некому му текнало за работа која претходно со години се толерирала - се заоструваат односите со соседна Бугарија, смета весникот.

И во сета висока партиско-политичка политика, Дневник наоѓа место и за следнава вест: „Подобро од славина отколку од селска чешма - водата во градовите е чиста, но околу 4 до 5 отсто од анализите покажале физичко-хемиска, а околу 1 отсто микробиолошка неисправност. Во селата, околу 30 отсто од анализите покажуваат присуство на бактерии“.
  • 16x9 Image

    Горица Попова

    Родена е во Кочани, дипломирала во 1976 год. на Филозофскиот факултет во Скопје. Како новинар работи над 30 години. Почнала во Македонско радио- Радио Скопје во 1978 год. Од јуни 2009 год. е соработник на Радио Слободна Европа.

XS
SM
MD
LG