Достапни линкови

Николиќ - Не дозволувам Приштина да решава дали ќе го посетам Косово


Српскиот претседател Томислав Николиќ

Српскиот претседател Томислав Николиќ

Српскиот претседател Томислав Николиќ денеска изјави дека нема да го помине Божиќ во манастирот Грачаница на Косово, како што најави претходно, нагласувајќи дека „нема да дозволи Приштина да решава дали тој ќе го посети Косово или не“.

„Нема да одам во Грачаница. Не дозволувам Приштина да решава дали можам да одам во нашето Косово. Очевидно е дека ЕУЛЕКС чека властите во Приштина да го решат тоа“, изјави Николиќ.

Тој за белградскиот весник „Курир“ додаде дека „ќе треба да го смени односот кон ЕУЛЕКС и Брисел поради тоа“.

„Мисијата на ЕУ уште еднаш покажа дека не е неутрална во однос на статусот и прави онака како што ќе и каже Приштина“, рече српскиот претседател.

Косовскиот вицепремиер Хајредин Кучи синоќа изјави дека косовските институции не му дозволиле посета на српскиот претседател Томислав Николиќ на Косово за време на Божик, додавајќи дека српските официјални претставници ќе можат да го посетат Косово кога „ќе се обезбеди реципроцитет во посетите“.
XS
SM
MD
LG