Достапни линкови

Авганистан им забрани на странските војници да апсат


Авганистанскиот национален безбедносен совет соопшти дека странските мисии во државата не смеат да апсат Авганистанци или да ги притвараат. Во соопштението е наведено дека со таквите постапки се нарушува авганистанскиот суверенитет. Ова е одговор на минатонеделната одлука на Британија да го суспендира предавањето на осомничени бунтовници на авганистанските безбедносни сили.
Лондон изрази загриженост за можна злоупотреба и тортура на затворениците од страна на авганистанските власти.
Во неделата претседателот Хамид Карзаи им нареди на безбедносните агенции да го истражат присуството на британскиот притвор во Авганистан и да ја преземат контролата врз него без одложување.
Во март авганистанската влада потпиша договор со САД за преземање на контролата врз затворите но Британија не беше дел од договорот.
XS
SM
MD
LG