Достапни линкови

Нема политичка волја за борба со корупцијата


Власта нема разбирање за значењето на улогата на независното судство во модерната демократија, засновано врз владеење на правото и поделбата на власта, велат од Транспарентност Македонија.

Регулацијата во секторот енергетика, извештајот на Европската комисија за Македонија во однос на корупцијата и судството се најдоа во месечниот извештај на Транспарентност Македонија за октомври. За Транспарентност Македонија, спорно е укинувањето на дневната евтина тарифа на струјата и наметнување на обврската на лицата кои не се корисници на Топлификација да плаќаат фиксен надоместок на ова претпријатие. Од таму ги прашуваат надлежните институции, Владата, Собранието и Министерството за економија кои се мотивите на ова регулаторно тело и зошто настапува на штета на граѓаните?
Во Македонија е речиси невозможна борбата со корупцијата, заради недостаток на политичка волја на владејачките партии, но особено заради фактот на легализирани практики и процеси кои поттикнуваат корупција.
Ана Јаневска Делева, Транспарентност Македонија.


„Ги повикуваме горе наведените институции да објаснат на македонската јавност, зошто еден дел од нивниот доход без сериозно и аргументирано образложение се пренаменува во форма на профит кај ЕВН Македонија и Топлификација“, вели Ана Јаневска Делева.
Ана Јаневска Делева, извршен директор на Транспарентност Македонија
Ана Јаневска Делева, извршен директор на Транспарентност Македонија

Според неа, сомневањата за широко распространета корупција во јавните набавки била потврдена и во извештајот на Европската комисија, каде оценките се загрижувачки.

„Ние сакаме да ја предупредиме јавноста и Европската комисија дека денеска во Македонија е речиси невозможна борбата со корупцијата, заради недостаток на политичка волја на владејачките партии, но особено заради фактот на легализирани практики и процеси кои поттикнуваат корупција. Процес кој се заокружува со комплетно парализирање на правосудните органи.“
Не е јасно каде Европската комисија во својот извештај видела мал напредок во независноста и непристрасноста на судството. На ова поле ништо не е направено, од единствена причина што нема политичка волја нешто да се стори.
Ана Јаневска Делева, Транспарентност Македонија.

Од Транспарентност Македонија имаа забелешка и за реформите во судството кое е западното во длабока криза и кулминирало со блокада на работата на Врховниот суд и Судскиот совет.

„Не е јасно каде Европската комисија во својот извештај видела мал напредок во независноста и непристрасноста на судството. На ова поле ништо не е направено, од единствена причина што нема политичка волја нешто да се стори. Власта нема разбирање за значењето на улогата на независното судство во модерната демократија, засновано врз владеење на правото и поделбата на власта.“

Во извештајот се укажува и на незаконското и нерационално трошење на народните пари и нерегуларното спроведување на јавните набавки од страна на Министерството за економија. Од Транспарентност Македонија ја повикаа Европската комисија да не ги прикрива и шминка реалните оценки за состојбата со реформите, бидејќи тоа не е во интерес на граѓаните на земјата.
  • 16x9 Image

    Марија Митевска

    Новинарската кариера ја започна во 2008 година во А1 телевизија како репортер во информативната програма.  Родена е на 14.04 1984 година во Скопје. Од мај 2009-та работи како постојан дописник за Радио Слободна Европа од Скопје.

XS
SM
MD
LG