Достапни линкови

И денеска насилни протести во муслиманскиот свет


Протестите против контроверзниот филм со кој се исмејува пророкот Мухамед, продолжуваат и денеска во земјите од муслиманскиот свет. Едно лице загинало во северо-западен Пакистан во престрелка меѓу демонстрантите и полицијата. Неколку стотици луѓе на демонстрациите во Кабул извикувале анти-американски слогани, палеле гуми и фрлале камења. Во Џакарта, Индонезија, стотици демонстранти фрлале молотови коктели и се судриле со полицијата која ги растерала со водени топови и истрели во воздух. Во Јемен, студенти протестирале пред американската амбасада и барале протерување на амбасадорот. Лидерот на Хезболах Насан Насрала, во Либан повика на целонеделни протести против филмот. Досега во бранот протести во повеќе земји, загинаа 18 лица.
XS
SM
MD
LG