Се издвојуваат Вардар и Металург, но два тима не се доволни за да има силна лига, а во иднина и добра репрезентација, велат пензионираните ракометари Пепи Манасков и Иво Марковски.
Ракометот во Македонија е во криза, особено на клупски план вели ракометна легенда Пепи Манасков. Според него, гледано во перспектива состојбата со ракометот кој важи за спорт број еден е навистина лоша. Добро е што на репрезентативен план сè уште се држиме, вели Манасков.
Гледано перспективно ракометот е во криза како на клупски план, така и во однос на оние млади категории. Кадетска и младинска репрезентација на Македонија немаме.
„Тука се издвојуваат Вардар и Металург, другите тимови се на незавидно ниво, слабо стојат финансиски и играчки и не е добар знак за во иднина. Во моментов не гледам некоја добра перспектива на ракометот во Македонија. Гледано перспективно ракометот е во криза како на клупски план, така и во однос на оние млади категории. Кадетска и младинска репрезентација на Македонија немаме“, вели Манасков.
Долгогодишниот ракометен репрезентативец и дел од шампионскиот тим на екипата на битолски Пелистер Иво Марковски вели дека состојбата е загрижувачка, особено во однос на јачината на домашната лига каде порано имаше огромна конкуренција.
Не се доволни Вардар и Металург за една силна македонска лига и дека треба и другите екипи, ако не на нивното рамниште, да дојдат на една позиција каде ќе се борат за тоа второ место.
„Со постарите колеги од мојата генерација мислиме дека не се доволни Вардар и Металург за една силна македонска лига и дека треба и другите екипи, ако не на нивното рамниште, да дојдат на една позиција каде ќе се борат за тоа второ место. Слушнав дека Струмица, Борец и Куманово прават напори да се вратат на некои стари патеки, но мислам дека треба повеќе од тоа. Порано имаше 7-8 екипи кога тешко се знаеше кој ќе го освои првенството и тешко се доаѓаше до титулите во првенството и купот“, вели Марковски.
Марковски жали што некогаш најдобарата екипа во Македонија, Пелистер, е далеку од старите патеки.
„Пелистер е далеку од оној Пелистер што сите ние го знаеме. Долг ќе биде периодот да се врати онаму каде што беше. Навистина ситуацијата е тешка и мислам дека ако за брзо време не се најде некое решение мислам дека Пелистер е во една ситуација во која не бил никогаш од неговото постоење“, вели Марковски.
Ракометот на граѓаните во изминативе години, како на репрезентативен, така и на клупски план, и во машка и во женска конкуренција им донесе многу радост.
