Достапни линкови

Во Македонија активни четири пожари


Илустрација.

Илустрација.

Во Македонија се активни четири пожари, во атарот на село Вражале, општина Зелениково, во село Добровени, општина Новаци, во село Црешнево, општина Македонски Брод и во село Вратница, општина Јегуновце.
Пожарите кај селото Јаболце, општина Сопиште, во Гошинце и во Националниот парк „Маврово“ на Бистра, се ставени под контрола.
Според Центарот за управување со кризи, гаснењето на пожарот во Вражале е отежнато поради конфигурацијата на теренот. На терен се 30 вработени на Шумското стопанство „Караџица“ и месното население. Во текот на денот дејствувал и авион на Дирекцијата за заштита и спасување. Се очекува пожарот да биде локализиран.
Поради непристапен карпест терен отежнато е и гаснењето на пожарот кај Црешнево кој засега е активен во атарот на село Белица, на местото „Северот“.
Пожарот над село Вратница во Јегуновце зафати букова и мал дел чамова шума, а гаснењето е отежнато поради тешко пристапниот терен каде од утринските часови се наоѓаат екипа од Шумското стопанство „Лешница“ - Тетово и месното население. Дејствувал и авион на Дирекцијата за заштита и спасување
XS
SM
MD
LG