Достапни линкови

Партиска пресметка за лустрацијата


Потпретседателот на СДСМ Зоран Јовановски коментирајќи за информациите дека СДСМ размислува за повлекување на своите членови од Комисијата за верификација на фактите наведе дека сите опции се во игра. Лустрацијата, оцени, требаше да биде надпартиско прашање, а се претвори во орудие за пресметка со неистомисленици.

„Ние јасно и јавно кажавме дека лустрацијата се прави според закон кој што има неуставни елементи, на чело на Комисијата е човек на кого што му е истечен мандатот и од тој аспект како што веќе реков, лустрацијата се претвори во орудие за инквизиција за политичките неистомисленици“, рече Јовановски.

Владејачката ВМРО-ДПМНЕ во реакција на ставот на СДСМ, оценува дека опозициската партија продолжува да се противи на тој процес и оти постојано бара алиби против него и начин како да го саботира.

„Тоа е така, затоа што СДСМ се идентификува со извршителите на кодошењето и вредностите кои тие ги застапуваат, како лажењето, превртливоста и подмолноста. Затоа се става во одбрана на оние кои кодошеле“, наведува ВМРО-ДПМНЕ во реакцијата на ставот на СДСМ.
XS
SM
MD
LG