Достапни линкови

Преговори за марама


Водџан Али Сераџ Абдулрахим Шахрхани со нејзиниот татко во Лондон

Водџан Али Сераџ Абдулрахим Шахрхани со нејзиниот татко во Лондон

Меѓународниот олимписки комитет преговора со Олимпискиот комитет на Саудиска Арабија и со Меѓународната џудо федерација за решавање на еден контроверзен случај. Станува збор за марама што може да ја спречи првата жена од Саудиска Арабија да настапи на Олимписките игри. Водџан Али Сераџ Абдулрахим Шахрхани е регистрирана за џудо натпреварите во категорија над 78 килограми. Но, нејзиниот татко деновиве изјави дека таа ќе може да се натпреваура само доколку ја носи традициналната муслиманска марама, хиџаб. Меѓународната џудо федерација тоа го одбива со образложение дека марамата, освен што е против правилата, би можела да биде и опасна. МОК неколку месеци лобираше за да добие согласност од Саудиска Арабија за учество на спортиските од таа земја на Олимпијадата. Во саудискиот олимписки тим има и една атлетичарка.
  • 16x9 Image

    Гоце Атанасов

    Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

XS
SM
MD
LG