Достапни линкови

Напаѓачот во Бургас веројатно имал соучесник


Осомничениот за нападот.

Осомничениот за нападот.

Аутопсијата на телото на напаѓачот во Бургас, наведува на тоа дека имал соучесник, јавува Франс прес. Истрагата ја споведува бугарската полиција и тајните служби на Бугарија, Израел и САД.

Физичките карактеристики кои ги даде патологот Галина Милева се разликуваат од описот на личноста која е осомничена дека се обидела да го изнајми автобусот вечерата пред нападот. Според зборовите на Милева, напаѓачот самоубиец бил белец, имал светли очи и густаа кафеава коса. А според очевидците, човекот кој сакал да го изнајми автобусот имал речиси избричена глава и „личел на Арап“.

Бугарскиот министер за внатрешни работи Цветан Цветанов изјави дека се претпоставува дека напаѓачот самоубиец е стар 36 години, а единствениот документ пронајден кај него е возачка дозвола од државата Мичиген во САД. Идентитетот на напаѓачот се уште не е утврден, но истрагата се надева дека наскоро и тоа ќе се реши бидејќи ДНК тестот е во тек.

Во експлозијата на 18 јули на аеродромот во бугарскиот град Бургас покрај напаѓачот, загинаа и пет израелски туристи и возачот на автобусот.
XS
SM
MD
LG